Папа заклікаў спыніць “жахлівае братазабойчае насілле” ва Украіне
- Written by katolik-gomel.by
- Published in Царква
- Add new comment
Пантыфік звярнуўся з заклікам прыкласці ўсе намаганні, у тым ліку на міжнародным узроўні, дзеля аднаўлення дыялогу.
Святы Айцец у чарговы раз заклікаў да спынення ваенных дзеянняў ва Украіне. “Мае думкі зноў скіроўваюцца да ўмілаванага народу Украіны. Нажаль, сітуацыя пагаршаецца і супрацьстаянне паміж бакамі ўмацоўваецца. Памолімся, перш за ўсё за ахвяр, сярод якіх шмат мірных жыхароў, і за іх сем’і, і папросім Пана, каб як мага хутчэй спынілася гэта жахлівае братазабойчае насілле”, - сказаў Папа 4 лютага 2015 г. на заканчэнне агульнай аўдыенцыі ў ватыканскай Зале Паўла VI. Пантыфік звярнуўся з заклікам “прыкласці ўсе намаганні, у тым ліку на міжнародным узроўні, дзеля аднаўлення дыялогу – адзінага магчымага шляху да вяртання міру і згоды” на “шматпакутнай зямлі” Украіны.
Сённяшні заклік Францішка стаў чарговым за апошнія месяцы. Так, 25 студзеня 2015 г. падчас сустрэчы з вернікамі на малітве “Анёл Панскі” на плошчы св. Пятра ён запрасіў бакі канфлікту “пакласці канец ўсім ваенным дзеянням”. Трэба адзначыць, што ў апошнія тыдні сітуацыя ў рэгіёне рэзка абвастрылася па прычыне актыўных баявых дзеянняў. Паведамляецца аб шматлікіх смяротных ахвярах сярод мірнага насельніцтва.
Related items
-
Чарговы храм пацярпеў ад вайны – гэтым разам у Адэсе
-
Беларускі біскуп заклікаў да малітвы за перамовы Украіны і Расіі
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
«Жыццё пачынаецца там, дзе знікае 5G». Святар з Віцебска выпускае кнігу – для падлеткаў
-
Папа Рымскі з лякарні патэлефанаваў Пуціну – каб выратаваць дзве тысячы чалавек