BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Католікі складаюць амаль 18% насельніцтва Зямлі

За год колькасць католікаў вырасла на 25 мільёнаў чалавек, расце колькасць святароў, але законнікаў і законніц становіцца менш.

На канец 2013 г. у свеце было каля 1, 253 млрд. католікаў, што на 25 млн. або на 2% больш, чым год раней. Такія дадзеныя прыводзяцца ў апошнім “Annuariun Statisticum Ecclesiale” – касцёльным статыстычным даведніку, выдадзеным у сакавіку 2015 г. у Ватыкане. З яго вынікае таксама, што ў свеце працягваецца колькасны рост святароў і сталых дыяканаў і спад законнікаў, законніц і семінарыстаў.

Католікі складаюць 17,7% насельніцтва планеты, але трэба ўлічваць той факт, што Апостальская Сталіца не атрымлівае статыстычных дадзеных падобнага кшталту з некаторых краін, напрыклад, з Паўночнай Карэі і Кітаю. Больш за ўсё католікаў пражывае ў Паўднёвай і Паўночнай Амерыках – 63%. 39,9% пражываюць у Еўропе і каля 3,2% у Азіі.

Біскупаў стала на 40 больш; у 2013 г. іх было 5137. Каталіцкіх святароў у свеце налічвалася 415 348, што амаль на тысячу чалавек больш у параўнанні з 2012 г. Больш чым на тысячу павялічылася колькасць сталых дыяканаў, якіх у свеце налічваецца 43 195. Семінарыстаў стала на 2 тыс. менш, чым у 2012 г.

radiovaticana.va

Дадаць каментарый

Ахоўны код
Абнавіць