Святы Пасад вядзе перамовы з кітайскімі ўладамі
- Written by katolik-gomel.by
- Published in Царква
- Add new comment
Францішак неаднаразова падкрэсліваў, што ахвотна наведаў бы Кітай.
Дыялог паміж Святым Пасадам і камуністычным рэжымам Кітая з’яўляецца больш інтэнсіўным, чым раней. Дзяржсакратар Яго Святасці Папы, кардынал Пьетра Паралін пацвердзіў, што ў сярэдзіне кастрычніка ватыканская дэлегацыя праводзіла перамовы ў Пекіне.
Цяперашні дыялог “вельмі станоўчы”, сказаў іерарх 29 кастрычніка 2015 г. у інтэрв’ю інтэрнэт-парталу “Vatican Insider”. Ён дадаў, што гэта не першы такога роду візіт; ён з’яўляецца этапам на “шляху нармалізацыі адносін”.
Святы Пасад не падтрымлівае дыпламатычных адносін з КНР. Асноўнай перашкодай з’яўляецца патрабаванне Пекіна кантраляваць Каталіцкі Касцёл дзяржаўнымі органамі і ўплываць на прызначэнне біскупаў.
На пытанне аб магчымасці візіту Папы ў Кітай, кардынал Паралін сказаў літаральна так: “Мы гэтага вельмі хочам”. Францішак неаднаразова падкрэсліваў, што ахвотна наведаў бы Кітай. Чарговы раз ён казаў пра гэта ў канцы верасня на зваротным шляху ў Рым з Кубы і Злучаных Штатаў.
Рэгулярныя перамовы паміж Святым Пасадам і камуністычнымі ўладамі ў Пекіне мелі месца ў апошні час у 2007 г. і 2009 г. З ватыканскага боку іх узначальваў менавіта Паралін, у той час падсакратар у Дзяржаўным сакратарыяце па адносінах Святога Пасаду з дзяржавамі.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад