Ватыкан расследуе справу ў дачыненні двух журналістаў
- Written by katolik-gomel.by
- Published in Царква
- Add new comment
Аўтараў скандальных кніг падазраюць у саўдзеле ў крадзяжы дакументаў.
Ватыканская жандармерыя вядзе расследаванне адносна двух італьянскіх журналістаў Джанлуіджы Нуццы і Эміліяна Фіціпальдзі, якія падазраюцца ў саўдзеле ў распаўсюдзе інфармацыі і дакументаў канфідэнцыйнага характару, паведаміў кіраўнік Залы Друку Святога Пасаду, кс. Фэдэрыка Ламбардзі. Ён заявіў таксама, што следчыя вядуць расследаванне таксама і адносна іншых асоб, якія маглі супрацоўнічаць у атрыманні ватыканскіх канфідэнцыйных дакументаў, цытуе be.radiovaticana.va.
Нагадаем, Джанлуіджы Нуццы і Эміліяна Фіціпальдзі - аўтары скандальных кніг аб стане фінансавых праў у Ватыкане.
На мінулым тыдні ў Італіі былі апублікаваны дзве кнігі аб, маўляў, недастатковай празрыстасці і безгаспадарчасці ў Ватыкане на аснове выкрадзеных дакументаў Святога Пасаду. Яны ўключаюць у сябе, сярод іншага, справаздачы з канфідэнцыйных размоў паміж Папам і яго бліжэйшымі паплечнікамі, запісанымі ў таямніцы і перададзенымі журналістам. Апісаныя ў публікацыі падзеі датычаць перыяду да 2014 г. З кніг ускосна вынікае, што Францішак працуе над рэформай Рымскай курыі з вялікай рашучасцю.
Хто і ад імя каго скраў дакументы з архіваў, пакуль невядома. Да гэтага часу пад падазрэннем знаходзяцца дзве асобы: кс. Лусіа Анхель Вальеха Бальда і спадарыня Франчэска Шаўкі.
Related items
-
Нечаканыя падрабязнасці руйнавання капліцы на Смаргоншчыне распавёў мясцовы жыхар
-
Беларусь «не павінна адчуваць сябе ізаляванай, адкінутай» – Папскі пасланнік
-
Кардынал Гуджэроці звярнуўся да дзяржслужачых і ўсіх жыхароў Беларусі
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
Старадаўнюю капліцу знесла аўто ў Смаргонскім раёне: якой яна была