BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

У Гродне раскрыты дзёрзкі крадзеж з касцёла

У Гродне раскрыты дзёрзкі крадзеж з касцёла

У кабінет святара злодзеі патрапілі, перапілаваўшы дужкі навясных замкоў.

Напярэдадні Раства пробашча каталіцкага храма ў Гродна абакралі трое зламыснікаў, двое з якіх раней судзімыя. 20-гадовы і 22-гадовы прыяцелі разам са старэйшым на 10 гадоў таварышам праніклі ноччу ў кабінет пробашча касцёла Маці Божай Анёльскай, адкуль выкралі 2 млн. рублёў, 65 даляраў, падарункавы набор і манітор ад кампутара.

Міліцыя раскрыла злачынства па гарачых слядах, і высветліла, што злодзеі загадзя прадумалі план і падрыхтаваліся да крадзяжу. Старэйшы са зламыснікаў напярэдадні некалькі разоў прыходзіў у гэты касцёл братоў-францішканаў, просячы міласціну, у той жа час прадумваючы план злачынства. У кабінет святара злодзеі патрапілі, перапілаваўшы дужкі навясных замкоў.

Вярнуць атрымалася частку выкрадзенага зламыснікамі, паведамляе гарадзенскае УУС.

Last modified onЧацвер, 24 Снежань 2015 13:35
Tagged under
Дадаць каментарый

Ахоўны код
Абнавіць