Святар - жанчынам на 8 сакавіка: будзьце, як Панна Марыя!

Многія жанчыны 8 сакавіка не толькі прымаюць віншаванні, але і ўдзельнічаюць у службах ў царкве, дзякуючы Богу. Тым больш цяпер, калі католікі перажываюць Вялікі пост і не ладзяць у гэты час застолля.

Пробашч гомельскай каталіцкай парафіі айцец Славамір віншуе жанчын, якія адзначаюць сваё свята 8 сакавіка, і жадае ім браць прыклад з Панны Марыі і многіх жанчын-святых:

- Ва ўсім бярыце прыклад з Найсвяцейшай Багародзіцы, у ёй - сапраўдная жаночая прыгажосць і любоў!

Папа Францішак таксама традыцыйна віншуе з Міжнародным жаночым днём:

- Віншую ўсіх жанчын, якія кожны дзень спрабуюць пабудаваць грамадства больш гуманнае і гасціннае. Па-братэрску дзякую ўсім тым, хто тысячамі спосабаў сведчыць аб Евангеллі і працуе ў Царкве.

Святы Айцец адзначае, што гэты дзень дазваляе прыцягнуць увагу да важнай ролі жанчын і іх прысутнасці ў нашым жыцці, асабліва тых, якіх дыскрымінуюць і падвяргаюць пакутам. Пантыфік заклікае глядзець з павагай на жанчын, якія бачаць, разумеюць і адчуваюць свет больш адкрытым сэрцам.