У Жлобіне адкрыюць новую каталіцкую святыню
- Written by katolik-gomel.by
- Published in Царква
- Add new comment
Касцёл назавуць у гонар Маці Божай Каралевы Свету.
На 18 чэрвеня 2016 года ў Жлобіне запланавана ўрачыстае асвячэнне каталіцкага храма, будаўніцтва якога амаль скончана. Засталося толькі выканаць некаторыя аздобныя працы і добраўпарадкаванне тэрыторыі, а таксама скончыць напісанне алтарнага абраза. Касцёл назавуць у гонар Маці Божай Каралевы Свету. На ўрачыстым адкрыцці чакаецца візіт многіх гасцей, у тым ліку мецэнатаў з краін Еўропы, якія дапамагалі будаваць храм.
Вышыня будучай святыні са шпілем - 36 метраў, яна пабудавана ў гатычным стылі. Аўтар праекта В.Катэрлі. 18 снежня 2011 года пляцоўку пад будаўніцтва касцёла - у раёне аквапарку - асвяціў Мітрапаліт Тадэвуш Кандрусевіч.
У Жлобіне пакуль ёсць толькі адна каталіцкая парафія - святога Казіміра, якая да гэтага часу размяшчаецца ў маленькай капліцы (чытайце гісторыю і глядзіце фота >>>) Аднак новы храм будзе насіць імя Маці Божай Каралевы Свету з перспектывай магчымай рэгістрацыі аднайменнага каталіцкай парафіі.

Related items
-
Чарговы храм пацярпеў ад вайны – гэтым разам у Адэсе
-
У Мінску пачалося будаўніцтва новага касцёла – на ахвяраванні вернікаў
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Занядбаны сучасны храм заўважылі на Міншчыне. Чаму так?