Іконы з Беларусі ўпершыню выставілі ў Ватыканскіх музеях
- Written by katolik-gomel.by
- Published in Царква
- Add new comment
Наведвальнікі могуць убачыць іконы і святыя вобразы розных эпох.
18 траўня - 25 ліпеня ў музеі Ватыкана адкрылася выстава «Іканапіс Беларусі XVII-XXI стагоддзяў» з калекцыі Нацыянальнага мастацкага музея. Экспазіцыя ўключае 31 абраз і 2 чаканных аклады. Беларускія абразы ўпершыню экспануюцца ў музеі Ватыкана, выстава прысвечана знамянальнай падзеі каталіцкага свету - Юбілейнаму году міласэрнасці пад дэвізам - «Міласэрны, як Айцец», які праходзіць з 8 снежня 2015 года па 20 лістапада 2016 года.
Ідэя выставы нарадзілася падчас сустрэчы дзяржсакратара Ватыкана кардынала П'етра Параліна з беларускімі ўладамі ў сакавіку 2015 года. Наведвальнікі змогуць убачыць іконы і святыя вобразы розных эпох, якія найбольш ярка прадстаўляюць беларускую мастацкую традыцыю, растлумачыў дырэктар Ватыканскіх музеяў Антоніа Паўлуччы. Ён выказаў надзею, што на адкрыцці будуць прысутнічаць улады Беларусі.
Прэзідэнт Беларусі Аляксандр Лукашэнка павіншаваў арганізатараў і ўдзельнікаў выставы з адкрыццём:
- Гэты ўнікальны праект, які праходзіць у аб'яўлены ў Беларусі Год культуры, дэманструе непарыўныя духоўныя і эстэтычныя сувязі еўрапейскіх народаў, іх прыхільнасць рэлігійным ідэалам і каштоўнасцям, - цытуе прэс-служба прэзідэнта.
Нагадаем, 21 траўня прэзідэнта Беларусі прыме ў Ватыкане Папа Францішак.
«Культурныя сувязі з народамі Усходняй Еўропы, у асаблівасці праваслаўнымі, - гэта вяршыня жаданняў і планаў Апостальскай Сталіцы», - сказаў Паўлуччы. Беларусь знаходзіцца на мяжы паміж каталіцкім і праваслаўным светам, і выстава заклікана паказаць тыя элементы беларускага сакральнага мастацтва, якое яднае два «лёгкіх» Еўропы. Наведвальнікі змогуць убачыць, «наколькі заходняе хрысціянства падобна і ў той жа час адрозніваецца ад усходняга. «Экуменізм ствараецца таксама праз культурныя сувязі і абмен».
Related items
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу