Працэсія Божага Цела ў Мінску сабрала больш за 10 тыс. католікаў

Май 29, 2016
Written by katolik-gomel.by
Published in Царква
Add new comment

Урачыстасці таксама прайшлі ў Брэсце, Гомелі, Пінску, Баранавічах.

Больш за 10 тысяч католікаў выйшла 29 мая на вуліцы Мінска, каб прайсці ў працэсіі Божага Цела. Дарослыя, моладзь і дзеці прайшлі ад касцёла Найсвяцейшай Тройцы (св. Роха) на Залатой Горцы да архікатэдры Імя Найсвяцейшай Панны Марыі ўрачыстай працэсіяй, праслаўляючы Бога ў Найсвяцейшым Сакрамэнце.

Працэсія Божага Цела стала ўжо традыцыйнай для Мінска, аднак, як і раней, кожны год збірае вялікую колькасць вернікаў не толькі са сталіцы, але і з іншых гарадоў. Сёлетняя працэсія - адна з самых маштабных, адзначае Catholic.by.

Нагадаем, у Гродна, дзе працэсія Божага Цела ладзілася 26 траўня, на вуліцы горада таксама выйшла рэкордная колькасць католікаў - па розных ацэнках ад 10 да 13 тысяч чалавек. 29 траўня працэсія Божага Цела таксама прайшла ў Брэсце, Гомелі, Пінску, Баранавічах. У Гомелі ўрачыстасць узначаліў біскуп Казімір Велікаселец (гл. ФОТА і чытайце падрабязна - навошта католікі праводзяць працэсію Божага Цела?)

Tagged under