Ватыкан выступіў за непарушнасць межаў Украіны
- Written by katolik-gomel.by
- Published in Царква
- Add new comment
Кардынал Паралін: спыніць вайну перашкаджае карупцыя.
Апостальская Сталіца кіруецца тымі прынцыпамі і каштоўнасцямі, якія павінны служыць асновай узаемаадносінаў паміж краінамі ў міжнароднай супольнасці, падкрэсліў кардынал Дзяржсакратар Пьетра Паралін гаворачы аб намаганнях Святога Пасаду на карысць спынення вайны ва Украіне. 15-20 чэрвеня 2016 г. бліжэйшы супрацоўнік Папы наведаў гэту краіну.
У інтэрв’ю тэлеканалу “Euronews” пурпурат адзначыў, што адным з фундаментальных прынцыпаў міжнароднага права, якім кіруецца Апостальская Сталіца, з’яўляецца непарушнасць межаў, у дадзеным выпадку тэрыторый і межаў Украіны, прызнаных міжнародным правам.
Дзяржсакратар Папы нагадаў, што “Францішак неаднаразова спасылаўся на Мінскія дамоўленасці, як на платформу, з якой трэба пачынаць дзейнічаць і рушыць наперад”.
Пурпурат заўважыў таксама, што важнай перашкодай для заканчэння супрацьстаяння ва Украіне з’яўляецца карупцыя ў баках канфлікту. “Калі я сустрэўся з людзьмі, якія ўцяклі з сваіх дамоў, я падумаў пра тое, як важна, каб тыя, хто кіруе чалавечымі лёсамі, хто стаіць на чале палітыкі, паглядзелі ў вочы людзей і ўбачылі іх слёзы, так жа як бачылі мы, каб яны ўбачылі іх пакуты і захацелі ім дапамагачы. Карупцыя, як сцяна, якая не дазваляе чалавеку бачыць далей за свае інтарэсы і думаць пра іншых людзей”, - сказаў кіраўнік ватыканскай дыпламатыі.
Media
Related items
- Не святар: разабралі памылковую інфармацыю пра затрыманне верніка ў Омску
- Адпраўка ў войска ў Беларусі адбываецца з удзелам святароў
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»