У Мінску прывіталі фігуру Маці Божай Фацімскай
- Written by katolik-gomel.by
- Published in Царква
- Add new comment
16 кастрычніка фігура пачне вандраванне па парафіях.
Адна з каталіцкіх рэліквій - фігура Маці Божай Фацімскай, якая з цудамі і прароцтвамі з'явілася ў пачатку мінулага стагоддзя ў Партугаліі і дагэтуль захоўвалася там, сёння прыбыла ў Беларусь. Святыню, якой моліцца і давярае ўвесь каталіцкі свет, сустрэў Мінск і галоўны каталіцкі храм краіны.
13 кастрычніка ў мінскую архікатэдру ўрачыста ўнеслі фігуру Маці Божай Фацімскай. Прысутныя перад распачаццем святой Імшы з белымі стужкамі і хусткамі ў руках віталі Багародзіцу ў фацімскай фігуры. На заканчэнне літургіі адбылася працэсія са свечкамі.
Фігура, якую Мітрапаліт Тадэвуш Кандрусевіч благаславіў у Фаціме 4 кастрычніка, прабудзе ў мінскай архікатэдры да нядзелі, 16 кастрычніка. У гэты дзень пасля Імшы на 13.00 распачнецца яе перэгрынацыя па парафіях Мінска-Магілёўскай архідыяцэзіі. Пасля Мінска фігуру будуць вітаць вернікі Магілёва, а потым і іншых парафій. 14 і 15 кастрычніка да вечаровай святой Імшы ў архікатэдральным касцёле будуць чытаць Фацімскі Ружанец, паведамляе Сatholic.by.
«Падчас перэгрынацыі па нашых парафіях вернікі будуць мець магчымасць маральна дакрануцца да Фацімы, каб яшчэ мацней перажываць значэнне гэтых аб’яўленняў у нашай былой, сучаснай і будучай гісторыі», - адзначаў арцыпастыр. У 2017 годзе Каталіцкая царква будзе адзначаць 100-годдзе фацімскіх аб’яўленняў Панны Марыі, якая заклікала да пакаяння і малітвы, каб не дапусціць трагедый для чалавецтва.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад