У Парыжы прайшла шматтысячная акцыя супраць аднаполых шлюбаў

Кастрычнік 17, 2016
Written by katolik-gomel.by
Published in Царква
Add new comment

Пратэставалі таксама супраць легалізацыі сурагатнага мацярынства.

Каля 200 тысяч чалавек прынялі ўдзел у дэманстрацыі ў Парыжы супраць легалізаваных тры гады таму ў Францыі гомасексуальных саюзаў, сурагатнага мацярынства і штучнага апладнення.

Галоўным дэвізам і прычынай сходу ў гэтым годзе было выступленне не столькі супраць «сужэнстваў для ўсіх» (аднаполыя саюзы), колькі супраць далейшага зніжэння ўзроўню падтрымкі сям’і. Пратэставалі таксама супраць легалізацыі сурагатнага мацярынства — жанчын, якія «здаюць у арэнду» свае лона для зачацця дзіцяці для тых жанчын, якія не могуць зацяжарыць, а таксама супраць апладнення для аднаполых пар і самотных асобаў.

Запрошаныя палітыкі і грамадскія дзеячы выказваліся супраць існуючага «антысямейнага» закона і адначасова запэўнівалі, што будуць і надалей абараняць традыцыйны ўзор сям’і і сужэнства. Падобныя погляды ў размове з журналістамі агучвалі і звычайныя ўдзельнікі дэманстрацыі.

Сatholic.by

Tagged under