Да Дня абаронцаў Айчыны католікі ў Магілёве памоляцца за мужчын

Да Дня абаронцаў Айчыны і Ўзброеных сіл Беларусі, які адзначаецца 23 лютага, у Магілеве пройдзе адмысловая малітва ў інтэнцыі мужчын. У свецкае традыцыйнае мужчынскае свята на малітву запрашаюць браты-дамініканцы.

- У пятніцу, 24 лютага, каля 19.00 у дамініканцаў па адрасе Мінская Шаша, 8а адбудзецца малітва са спевамі з Taize (Тэзэ). Будзем маліцца ў інтэнцыі мужчын. Для ўдзельнікаў салодкі сюрпрыз - запрашаем! - паведаміў на сваёй старонцы ў «ВК» а. Раман Шульц OP, aдміністратар парафіі святога Казіміра і святой Ядзвігі ў Магілёве.