З бібліятэкі ў ЗША знікла рэдкая кніга Францыска Скарыны
- Written by katolik.life
- Published in Царква
- Add new comment
Фрагмент «Першай кнігі Царстваў» захоўваўся ў Нью-Йоркскай публічнай бібліятэцы.
Фрагмент «Першай кнігі Царстваў» пражскага выдання Францыска Скарыны знік з аддзела рэдкай кнігі Нью-Йоркскай публічнай бібліятэкі. Пра гэта даведаўся намеснік дырэктара Нацыянальнай бібліятэкі Беларусі Алесь Суша, які цяпер знаходзіцца ў ЗША. У сваім Фэйсбуку ён паведаміў:
- Найбольшым расчараваннем у Нью-Ёрку было даведацца, што фрагмент выдання Скарыны, які захоўваўся ў Нью-Йоркскай публічнай бібліятэцы, "згубіўся" і яго ніяк не могуць знайсці ўжо шмат гадоў. Здараецца такое нават у найбуйнейшых бібліятэках свету...
Алесь Суша адзначае, што ў электронным каталогу дакумент таксама не выдаецца: - Сустракаўся з чатырма супрацоўнікамі Нью-Йоркскай публічнай бібліятэкі, у тым ліку аддзела рэдкіх кніг. У доўгіх гутарках яны толькі разводзілі рукамі... І нават копіі няма: ні мікрафільмы, ні фотакопіі.
У каментарах да паведамлення Алесь Суша дадаў, што даўно накіроўваў запыты ў бібліятэку просьбай зрабіць лічбавую копію, але ў адказ было маўчанне.
Дарэчы, раней з бібліятэкі ў Лондане таксама знікла кніга Скарыны. Зараз у свеце вядома ўсяго 519 асобнікаў кніг беларускага першадрукара, большасць з якіх знаходзіцца ў Расіі, 47 - ва Украіне, па 28 - у Польшчы і Беларусі.
У 2017 годзе адзначаецца 500-годдзе беларускага кнігадрукавання. Францыск Скарына, ураджэнец беларускага Полацка, у 1517 годзе заснаваў у Празе друкарню і выдаў кірылічным шрыфтам "Псалтыр", першую друкаваную беларускую кнігу. Усяго на працягу 1517-1519 гадоў Скарына пераклаў і выдаў 23 кнігі Бібліі.
Media
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- З 7 дзецьмі пасля 25 сутак вядомы прапаведнік пакінуў Беларусь
- У Ізраілі католікі з Беларусі спакойна перажылі атаку Ірана, але «вайна дастала»
- Паранены святар, пасадка бульбы: як жывуць пры абстрэлах вернікі Харкава і рэгіёну
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў