Каталіцкі гурт LAUDANS стане госцем курсаў «Мова нанова» ў Маладзечне

Кастрычнік 13, 2017
Written by katolik.life
Published in Царква
Add new comment

«Сыграем няшмат спеваў, але гэта добрая нагода пазнаёміцца, пагутарыць і цудоўна правесці вечар у прыемнай кампаніі!»

У аўторак, 17 кастрычніка, на папулярных курсах беларускай мовы «Мова нанова» ў Маладзечне выступіць каталіцкі гурт LAUDANS. Пачатак сустрэчы - у 19.30.

- Сыграем няшмат спеваў, але гэта добрая нагода пазнаёміцца, пагутарыць і цудоўна правесці вечар у прыемнай кампаніі! - запрашае група.

Цікава, што ўзімку 2017 года да акцыі праекта «Мова нанова» далучыўся каталіцкі біскуп Аляксандр Яшэўскі, які служыць у Магілёве. «Мова нанова» - гэта бясплатныя курсы па вывучэнні беларускай мовы, на якія запрашаюць вядомых беларускамоўных музыкаў, людзей культуры, навукі, мастацтва, грамадскіх дзеячаў. Курсы праходзяць у многіх гарадах па ўсёй краіне.

Беларускі хрысціянскі гурт LAUDANS - гэта дуэт, які грае ў стылі rock, pop, jazz, electronic music. Іх музыка вылучаецца ўнутранай энергетыкай, харызмай і актуальнасцю. Вясной 2017 года трэк групы LAUDANS быў прызнаны «Песняй месяца» на беларускім радыё.

Last modified onПятніца, 13 Кастрычнік 2017 10:46

Tagged under