Дуэт Laudans зняў кліп на словы св. Яна Паўла II [відэа]
- Written by Katolik.life
- Published in Царква
- Add new comment
Здымкі кліпа адбываліся на рацэ Іслач каля Ракава.
Да гадавіны абрання Рымскім Папам св. Яна Паўла II беларускі каталіцкі гурт Laudans зняў кліп на песню "Zdumienie". Гэтую кампазіцыю напісалі ўдзельнікі дуэта на верш св. Яна Паўла II "Zdumienie" ("Здзіўленне") з "Рымскага трыпціха". Раней беларуская версія гэтай песні з'явілася на дыску Laudans "Завысока заблізка".
Рэжысёр кліпа - Расціслаў Смольскі, аператар - Аляксандр Бондараў, якія працавалі над відэа для многіх беларускіх музыкаў, у тым ліку над кліпам Зміцера Вайцюшкевіча "Матуля".
Здымкі кліпа laudans адбываліся на рацэ Іслач каля Ракава. "Кліп "Zdumienie" - гэта выказ нашай удзячнасці Богу за асобу св. Яна Паўла II. Гэта таксама падзяка польскаму Касцёлу, святарам і вернікам, за дапамогу Каталіцкай Царкве ў Беларусі, у тым ліку тым, хто падтрымлівае Laudans" - кажуць удзельнікі дуэта.
Беларускі хрысціянскі гурт LAUDANS - гэта дуэт, які грае ў стылі rock, pop, jazz, electronic music. Іх музыка вылучаецца ўнутранай энергетыкай, харызмай і актуальнасцю. Вясной 2017 года трэк групы LAUDANS быў прызнаны «Песняй месяца» на беларускім радыё.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі