Мітрапаліт Кандрусевіч: змяніць «Ойча Наш» у Беларусі і Расіі будзе складана
- Written by Katolik.life
- Published in Царква
- Comments (4)
Арцыпастыр Касцёла лічыць, што ў вернікаў могуць узнікаць супярэчлівыя пачуцці, але ў цэлым сэнс фразы «не ўводзь нас у спакусу» зразумелы.
Святы крыж супраць свастыкі - як Каталіцкая царква супрацьстаіць неанацызму, чаму менавіта цяпер Папа Рымскі Францішак выказаўся пра магчымае карэктаванне галоўнай малітвы хрысціянаў, што думае Каталіцкая царква пра новы віток супрацьстаяння на Святой зямлі і каму павінен належыць Ерусалім? Пра гэта напярэдадні Раства Хрыстова, якое католікі адзначаць 25 снежня, «СБ ТБ» у прамым эфіры 15 снежня пагутарылі з Мітрапалітам Мінска-Магілёўскім Арцыбіскупам Тадэвушам Кандрусевічам.
- У перакладзе ў малітве «Ойча Наш» ёсць радок: «Не ўводзь нас у спакусу». Але Бог не ўводзіць у спакусу, ён дапускае спакусу. Чалавек мае свабодную волю, Бог не прымушае яго здзейсніць дрэнны ўчынак. У гэтым сэнсе Папа мае рацыю - у вернікаў могуць узнікаць супярэчлівыя пачуцці, - каментуе арцыпастыр Каталіцкай царквы ў Беларусі.
У той жа час мітрапаліт упэўнены, што ў Беларусі, а таксама ў Расіі і іншых славянамоўных краінах будзе цяжка змяніць «Ойча Наш» - бо гэта адзіная малітва, якая злучае хрысціян усіх канфесій. Дарэчы, Руская праваслаўная царква ўжо выказала негатыўнае меркаванне пра магчымае карэктаванне «Ойча наш».
- Калі звярнуць увагу на кантэкст, фраза «не ўводзь нас у спакусу» ужо не здаецца такой супярэчлівай, - лічыць мітрапаліт. - Бо следам ідзе «але збаў нас ад злога». З гэтым супрацьпастаўленнем, на мой погляд, сэнс фразы ўраўнаважваецца, становіцца больш зразумелым.
Таксама 15 снежня ў Прэс-цэнтры Дома прэсы адбылася прэс-канферэнцыя на тэму «Традыцыі святкавання Калядных святаў у беларускіх сем'ях». Удзел у прэс-канферэнцыі прынялі Арцыбіскуп Тадэвуш Кандрусевіч і кіраўнік Беларускай Праваслаўнай Царквы - Мітрапаліт Мінскі і Заслаўскі Павал. Іерархі распавялі аб традыцыях і звычаях святкавання Божага Нараджэння ў беларускіх сем'ях.
Media
Related items
- Кветкі, ровары, жанчыны: замалёўка з Імшы ля прыдарожнага крыжа
- «Трымаецца, не скардзіцца, просіць аб малітве». Святар з Валожына – паўгода ў зняволенні
- Як усміхаецца найстарэйшы іерарх Беларусі? Неафіцыйны рэпартаж з Янава
- Правілы прызнання цудоўных з'яў змянілі ў Ватыкане
- У Беларусі прызнаны гісторыка-культурнай каштоўнасцю каталіцкі абрад «Тры каралі»
RSS-стужка каментароў гэтага запiсу