Галандскі арган у касцёле Магілёва ўпершыню загучыць на фестывалі «Магутны Божа»
- Written by Katolik.life
- Published in Царква
- Add new comment
Плануецца, што на ўсталёўку, рэстаўрацыю і наладу механічнага інструмента спатрэбіцца не менш за тры месяцы.
У магілёўскім каталіцкім храме Унебаўзяцця Найсвяцейшай Панны Марыі і святога Станіслава ўсталююць механічны арган, які да гэтага знаходзіўся ў храме галандскага Эйндховена і нядаўна прыбыў у Беларусь з Галандыі, распавялі Katolik.life ў парафіі.
Інструмент, які цяпер будзе гучаць у Магілёве, быў выраблены ў 1928 годзе вядомым майстрам Леонам Верс Хуэрэн дэ Хэйт Хусенам, прадпрыемства якога было заснавана ў канцы XIX стагоддзя і працуе і цяпер.
Арган у магілёўскім касцёле трэба будзе сабраць, часткова рэстаўраваць і наладзіць, як мяркуецца, на гэта спатрэбіцца не менш за тры месяцы. У парафіі спадзяюцца, што да міжнароднага фестывалю духоўнай музыкі «Магутны Божа», які традыцыйна праводзіцца ў Магілёве ў чэрвені-ліпені, на аргане сыграюць першы канцэрт.
У канцы мінулага году біскуп Аляксандр Яшэўскі казаў пра набыццё для галоўнага касцёла Магілёва механічнага аргана. А пакуль у каталіцкім храме функцыянуе электронны інструмент.
Як вядома, да ўстанаўлення ў горадзе савецкай улады падчас святых Імшаў у касцёле гучаў механічны арган. Па звестках мясцовых гісторыкаў, ён быў вельмі рэдкім: такіх інструментаў у свеце было ўсяго чатыры - акрамя Магілёва гэта Варшава, Рым і Мехіка. Пасля закрыцця храма бальшавікамі арган разабралі, і ён бясследна знік.
Media
Related items
- Песня з хрысціянскімі матывамі ад Украіны заняла трэцяе месца на Еўрабачанні
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры