Пяць месяцаў малітвы за 3 рублі: касцёл на Залатой Горцы збірае грошы на рамонт
- Written by Katolik.life
- Published in Царква
- Add new comment
Каталіцкай парафіі ў Мінску тэрмінова неабходна адрамантаваць святыню.
Рымска-каталіцкая парафія Найсвяцейшай Тройцы (святога Роха) на Залатой Горцы ў Мінску пачала збор ахвяраванняў на рамонт святыні. Аб гэтым паведаміў у Facebook пробашч парафіі кс. Юры Санько.
- Любыя ў Хрысце! Паважаныя браты і сёстры! Усе людзі добрай волі! Спяшаюся паінфармаваць Вас аб незвычайнай падзеі, якая адбылася 20 сакавіка 2018 г. Дзякуючы камандзе Talaka.org, мы распачалі праект па збору сродкаў на рамонт нашага касцёла. Веру, што разам мы зможам ажыццявіць гэты праект! З малітвай за ахвярадаўцаў і ўсіх, хто прычыніўся і прычыніцца да гэтай важнай справы! Няхай Усемагутны Бог дабраславіць Вас, Вашыя сем'і, Нашу Бацькаўшчыну! Святы Рох, маліся за нас!
Апошні капітальны рамонт касцёла св. Роха быў у 1986 г. Цяпер сродкамі вернікаў быў заменены дах, але сцены далі трэшчыны і патрабуюць рамонту.
На старонцы збору грошаў паведамляецца аб тым, што за ахвярадаўцаў, якія пералічаць ад 3 рублёў, кожную нядзелю будзе служыцца святая Імша на працягу пяці месяцаў. Ужо сабарана звыш 10% ад патрэбнай сумы - 2,3 тыс. рублёў.
Related items
- Святары з Шуміліна застаюцца ў зняволенні, таксама арыштавана парафіянка
- 9 траўня ў дзень Унебаўшэсця Пана католікі моляцца аб супакоі на зямлі
- Байк, драйв... могілкі. «Сельскі святар» працягвае здзіўляць
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле