Пробашч з Салігорска застаецца ў Беларусі - улады часова адмянілі рашэнне
- Written by Katolik.life
- Published in Царква
- Add new comment
Дазвол на служэнне для а. Сабеслава падоўжаны на паўгады, што будзе далей - невядома
Апарат упаўнаважанага па справах рэлігій і нацыянальнасцяў пры Савеце Міністраў Беларусі паведаміў Курыі Мінска-Магілёўскай архідыяцэзіі, што рашэнне наконт айца Сабеслава Тамалы змененае. Нагадаем, раней пробашчу рыма-каталіцкай парафіі святога Францішка ў Салігорску забаранілі далей працягваць служэнне ў Беларусі. Паляк, а. Сабеслаў Тамала OFM, павінен быў спыніць рэлігійную дзейнасць з 31 студзеня.
Калі пра гэта стала вядома, вернікі пачалі збіраць подпісы ў падтрымку святара - яго вельмі паважаюць у Салігорску, ён удзельнічаў у будаўніцтве мясцовага храма, а ў цэлым служыць у Беларусі ужо больш за 20 гадоў. За тое, каб пробашч застаўся ў краіне, у лічаныя дні падпісаліся каля 500 чалавек.
Пасля хвалі абурэння, выкліканай рашэннем уладаў, Апарат упаўнаважанага па справах рэлігій і нацыянальнасцяў скасаваў папярэдняе рашэнне і падоўжыў дазвол на служэнне для а. Сабеслава на паўгады. Што будзе далей - невядома. Нагадаем, цяпер вядзецца збор подпісаў у падтрымку віцебскага пробашча, якому таксама забаранілі служыць у Беларусі. За яго ў інтэрнэце ўжо падпісаліся таксама амаль 500 чалавек.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску