Ватыкан адкрые сакрэтныя архівы часоў Другой сусветнай вайны

Сакавік 4, 2019
Written by Katolik.life
Published in Царква
Add new comment

Дакументы датычацца пантыфікату Пія XII

Папа Францішак прыняў рашэнне адкрыць архівы Святога Пасаду, якія датычаць пантыфікату Пія XII, у перыяд з 2 сакавіка 1939 г. па 9 кастрычніка 1958 г. Даследчыкі змогуць убачыць дакументы праз год.

2 сакавіка 2020 г. Ватыканскі сакрэтны архіў дасць доступ да 151 тыс. пазіцый. Гаворка ідзе ў тым ліку і пра рукапісы шматлікіх выступленняў Эуджэніа Пачэлі, а таксама тэксты ў якія ён уласнаручна ўносіў папраўкі.

З дакументамі кваліфікаваным даследчыкам можна будзе азнаёміцца бясплатна і свабодна. Адзіным патрабаваннем з’яўляецца валоданне адпаведнай навуковай або ўніверсітэцкай ступенню і рэкамендацыйны ліст ад акрэдытаванага гістарычнага навукова-даследчага інстытута або прафесара, кампетэнтнага ў галіне гістарычных даследаванняў.

Цікавасць даследчыкаў да пантыфікату Пія XII вельмі высокая, паколькі ён прыйшоўся на час глабальных гістарычных змен і Другой сусветнай вайны.

vaticannews.va/be

Tagged under