BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Распавядзі пра цуд: санктуарый у Браславе збірае сведчанні

Прымаюцца допісы любога жанру і фармату да 10-годдзя каранацыі абраза Маці Божай Валадаркі Азёраў

Да 10-годдзя каранацыі абраза Маці Божай Валадаркі Азёраў каталіцкая парафія ў Браславе просіць усіх жадаючых распавесці пра цуды, якія здзейсніліся праз заступніцтва Маці Божай. Сёлета Віцебская дыяцэзія будзе перажываць 10-годдзе каранацыі папскімі каронамі абраза Маці Божай Валадаркі Азёраў. З гэтай нагоды і ладзіцца незвычайная акцыя.

- Калі жадаеце падзяліцца сведчаннямі свайго аздараўлення душы і цела, альбо натхнённым вершам да Марыі, просім дасылаць вашыя лісты на электронную пошту wolodiasds@mail.ru ці пакідаць у спецыяльнай скрыні для пытанняў у канцы касцёла, ці прыносіць у сакрыстыю, - паведамляе парафія.

Прымаюцца допісы любога жанру і фармату: сведчанні, эсэ ці вершы - усё пра заступніцтва Маці Божай у браслаўскай іконе.

- Калі вам ёсць, што распавесці, але не любіце пісаць, паведамце нам, мы з радасцю вас паслухаем і запішам сведчанне. Заахвочваем вас дзяліцца сваімі перажываннямі і сведчаннямі веры, каб праз гэта памнажалася вера іншых, - дадалі ў парафіі.

Дадаць каментарый

Ахоўны код
Абнавіць