«Радыё Марыя» адкрывае віншавальную праграму

З 29 красавіка каталіцкае «Радыё Марыя» ў Беларусі адкрывае віншавальную праграму. Першы выпуск адбудзецца ў панядзелак у 20:20 - адразу пасля ружанцовай малітвы.

- Хочаш павіншаваць святара з гадавінаю святарскага пасвячэння або з імянінамі? У мамы юбілей? У сябра нарадзіўся сын? Ці проста ў цябе добры настрой і хочацца падзякаваць Госпаду за дзень? Цяпер мы разам можам падзякаваць Богу і парадавацца за блізкіх у эфіры. Віншаванні, спевы, малітва ў новай рубрыцы «Plurimus Annos!» - анансуюць на радыё.

Дасылаць віншаванні можна на нумар +375445137397 у Viber альбо па тэлефоне ў прамы эфір.

Цікава, што пазыўныя для новай праграмы у пятніцу запісалі з аргана ў мінскай катэдры з дапамогай маэстра Уладзіміра Неўдаха.