Ва ўсіх касцёлах Брэста моляцца за горад у дзень тысячагоддзя
- Written by Katolik.life
- Published in Царква
- Add new comment
Юбілей горада з’яўляецца заклікам да мабілізацыі духоўных сілаў, адзначыў біскуп Антоні Дзям’янка
Святочныя мерапрыемствы ладзіць Рымска-каталіцкая царква да 1000-годдзя Брэста. 6 верасня біскуп Пінскі Антоні Дзям’янка асвяціў касцёл Найсвяцейшага Сэрца Езуса ў мікрараёне Рэчыца абласнога цэнтра і цэлебраваў святую Імшу падзякі за тысячу гадоў апекі Божага Провіду над горадам.
А ў суботу, 7 верасня, ва ўсіх касцёлах Брэста адбудзецца малітва за горад. Цэнтральнае набажэнcтва ў межах святкавання прызначана на 7 верасня а 12-й гадзіне ў галоўным гарадскім касцёле Узвышэння Святога Крыжа, якое ўзначаліць біскуп Пінскі ў лучнасці з усімі вернікамі, святарамі і гасцямі, сабранымі ў гэтай святыні.
Таксама ва ўсіх іншых касцёлах горада ў гэты момант пад кіраўніцтвам мясцовых пробашчаў з удзелам парафіянаў будзе ўзнесена да Пана спецыяльная малітва падзякі за тысячу гадоў Брэста.
- Тысячагадовы юбілей Брэста для кожнага з нас з’яўляецца заклікам да мабілізацыі духоўных сілаў. Будзем шанаваць сваю веру, будзем шанаваць хрысціянскую спадчыну. Няхай жа Марыя, Маці Божая Брэсцкая, Маці Выратавальніца, вядзе нас у новае тысячагоддзе гісторыі горада. Няхай новыя старонкі гісторыі будуць светлымі і напоўненымі справамі, што славяць Бога, - заклікаў біскуп Антоні і пажадаў Божага благаслаўлення ў здзяйсненні высакародных намераў, моцнага духоўнага і фізічнага здароўя, непахіснай веры і сапраўднай любові.
«Няхай вамі апякуецца Божая Маці і святыя заступнікі беларускай зямлі», - скіраваў свае пажаданні іерарх.
Related items
-
Беларускі біскуп заклікаў да малітвы за перамовы Украіны і Расіі
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?