Юбілейны медаль перадаў Брэсту Папа Францішак
- Written by Katolik.life
- Published in Царква
- Add new comment
Вернікі адзначылі 1000-годдзе горада
Брэст адсвяткаваў 1000-годдзе з моманту заснавання гораду. Было запланавана шмат разнастайных мерапрыемстваў, аднак для вернікаў самае важнае месца ў праграме занялі адмысловыя набажэнствы за горад і яго жыхароў. У рымска-каталіцкай парафіі Узвышэння Святога Крыжа дзякавалі Пану за апеку над Брэстам, перапрашалі за спусташэнні святыняў на працягу гісторыі і прасілі аб здароўі для ўсіх жыхароў горада, паведамляе старонка парафіі.
Таксама асаблівай радасцю стаў юбілейны медаль ад Папы Рымскага Францішка. Яго перадаў католікам Брэста з Рыма Апостальскі візітатар для грэка-католікаў Беларусі архімандрыт Сяргей Гаек. Ён зачытаў ліст ад Сакратара Кангрэгацыі Усходніх Цэркваў. Медаль быў перададзены прадстаўніку мясцовых дзяржаўных уладаў.
Нагадаем, падчас святкавання 1000-годдзя Брэста тут быў кансэкраваны новы касцёл, а ва ўсіх парафіях горада адбылася малітва за горад.
Related items
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?
-
Папа Рымскі з лякарні патэлефанаваў Пуціну – каб выратаваць дзве тысячы чалавек