Будслаў-2020: базыліку зачыняць нанач, а працэсія пройдзе ўдзень [трансляцыя]
- Written by KATOLIK.LIFE
- Published in Царква
- Add new comment
У санктуарый скіраваліся індывідуальныя пілігрымы
1 ліпеня ў Будславе пачынаюцца парафіяльныя адпустовыя ўрачыстасці. Нагадаем, агульнабеларускае свята ў 2020 годзе было адменена з-за складанай эпідэміялагічнай сітуацыі > Таксама не арганізоўваліся традыцыйныя масавыя пілігрымкі. Але да Маці Божай Будслаўскай скіраваліся індывідуальныя пілігрымы - пешкі, на матацыклах і нават на монаколе > Яны павінны прыбыць на парафіяльныя ўрачыстасці.
1 ліпеня святая Імша ў Будславе адбудзецца ў 18.00, 2 ліпеня - у 9.00, 12.00, 18.00. Пасля службы а 12-й гадзіне пройдзе эўхарыстычная працэсія з копіяй цудадзейнага абраза на прыкасцёльнай тэрыторыі. Усе святыя Імшы будуць служыць на адкрытым паветры - дзеля выканання санітарна-эпідэміялагічных прадпісанняў.
Упершыню базыліка будзе зачынена нанач. Звычайна многія пілігрымы заставаліся ў святыні на працягу ночы, але сёлета, каб пазбегнуць рызыкі распаўсюду каронавірусу, санітарныя службы папрасілі зачыніць базыліку з 22.00 1 ліпеня да 7.00 2 ліпеня, паведаміў на сваёй старонцы кс. Аляксандр Улас.
Усіх удзельнікаў урачыстасцяў просяць захоўваць сацыяльную дыстанцыю і быць у масках. Далучыцца да малітвы онлайн можна з дапамогай відэа-трансляцыі з санктуарыя.
Media
Related items
-
Замест ксяндза – біскуп. У Беларусі нагадалі пра востры недахоп святароў
-
Яшчэ раз пра крэмацыю: як пахаваць прах па-хрысціянску, адказалі ў Касцёле
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?