Кармэліты босыя запрашаюць на фэст у Гудагай [праграма]
- Written by KATOLIK.LIFE
- Published in Царква
- Add new comment
У сувязі са складанай эпідэміялагічнай сітуацыяй усе набажэнствы будуць праходзіць на адкрытым паветры
Урачыстасць Маці Божай Шкаплернай адбудзецца ў Гудагаі 18-19 ліпеня. Штогод тут збіраюцца прыхільнікі Маці Божай, якія з даверам ўглядаюцца ў Яе знакаміты ласкамі абраз.
- Словы святога Яна Паўла ІІ, вялікага шанавальніка Маці Божай, “Увесь Твой”, прагнем прамовіць падчас гудагайскіх урачыстасцей. Фэст – гэта нагода падзякаваць Богу за Ягоныя дары, а таксама выпрошваць патрэбныя ласкі. Сярод шматлікіх інтэнцый сёлетняга фэсту ёсць малітва праслаўлення за 30 год аднаўлення служэння кармэлітаў босых у Гудагаі, - паведамілі Katolik.life арганізатары.
Парадак набажэнстваў
18.00 – Святая Імша на заканчэнне навэнны
20.30 – Крыжовая Дарога на Кальварыі
00.00 Працэсія святла і Святая Імша
10.00 Святая Імша на польскай мове
12.00 Адпустовая Святая Імша
Заўвагі арганізатараў
Славуты ласкамі абраз Маці Божай Гудагайскай будзе, як і ў мінулыя гады, будзе выстаўлены для асабістай малітвы вернікаў.
У сувязі са складанай эпідэміялагічнай сітуацыяй усе набажэнствы будуць праходзіць на адкрытым паветры з захаваннем санітарных мер перасцярогі. Удзельнікаў урачыстасці просім памятаць аб неабходнасці захаваць сацыяльную дыстанцыю і рэкамендуем ўжываць маскі.
Касцёл будзе адкрыты для індывідуальнай малітвы. Для захавання сацыяльнай дыстанцыі на падлозе будзе нанесена адмысловая разметка, а пры ўваходзе ў святыню будуць усталяваны дазатары з антысептыкам.
Па прычыне пандэміі мясцовыя жыхары не маюць магчымасці прымаць людзей на начлег. Тыя, хто пілігрымуе ў Гудагай у індывідуальным парадку, змогуць паставіць палаткі на тэрыторыі каля плябаніі.
Вернікаў, якія прагнуць падчас урачыстасці прыняць Святую Камунію, просім загадзя прыступіць да споведзі ў сваіх парафіях.
Просім жадаючых загадзя падрыхтаваць інтэнцыі на Святыя Імшы, а таксама малітоўныя падзякі і просьбы, якія можна будзе пакінуць у касцёле або ў палатцы на прыкасцёльнай плошчы.
Усіх, хто не будзе фізічна ўдзельнічаць ва ўрачыстасцях у Гудагаі, просім далучыцца духоўна да святкавання і малітвы ва ўсіх інтэнцыях, якія носім у сэрцы, у тым ліку аб спыненні пандэміі каронавіруса. Аддаёмся абароне Найсвяцейшай Панны Марыі.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў