BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

«Быў бізнэсмэнам, а ў 50 гадоў пачуў пакліканне». Першы ў Беларусі святар-афрыканец служыць у Гомелі

Айцец Майкл скончыў універсітэт у СССР, ведае рускую мову, а цяпер вучыць беларускую

Свае першыя імяніны ў Гомелі адзначыў каталіцкі святар Майкл Уйяммаду Окіка. 29 верасня, у свята святых Арханёлаў Міхала, Габрыэля і Рафала, вернікі гомельскай парафіі Унебаўзяцца Найсвяцейшай Панны Марыі павіншавалі айца Майкла (Міхала) з імянінамі. Ён - святар-манах з ордэна святога Паўла, першага пустэльніка (паўліны) і першы каталіцкі святар-афрыканец, які служыць у Беларусі.

Айцу Майклу 61 год, ён родам з Нігерыі, а стаў святаром усяго два гады таму. У яго незвычайная гісторыя жыцця:

- Узрост для Бога не мае значэння. Я вучыўся ў Савецкім Саюзе і пасля вучобы вярнуўся ў сваю краіну. Там я стаў бізнэсмэнам, і амаль у 50 гадоў зразумеў сваё пакліканне, пачуў Езуса, - распавядаў айцец Майкл пасля святарскага пасвячэння, якое атрымаў ва Украіне.

У 1981 годзе нігерыец прыехаў у СССР, дзе скончыў Данецкі дзяржаўны універсітэт. А затым вярнуўся ва Украіну і ў 2010 г. пачаў манаскую фармацыю ў кляштары паўлінаў у Марыупалі. На святара вучыўся ў Інстытуце св. Тамаша Аквінскага ў Кіеве. Пасля пасвячэння ў 2019 г. служыў ва Украіне, затым - у Камеруне, а ў 2021 г. прыехаў у беларускі Гомель - бо ў тутэйшай маладой парафіі, якая будуе новы касцёл, была патрэба ў вікарыі.

Айцец Майкл - актыўны прапаведнік Божага Слова, ён быў выхаваны ў харызматычных рухах, якія распаўсюджаны ў Нігерыі. Святар ведае рускую мову і вучыць беларускую, таксама служыць святую Імшу па-ангельску для замежных студэнтаў-католікаў з гомельскіх вну.

Media

Last modified onЧацвер, 30 Верасень 2021 12:30
Каментары   
+1 #2 Павел 2021-10-18 21:24
Цытую Алина:
Зрабiце, калiласка з а. Майклам вялiкае iнтэрвью. Было б цiкава пачытаць. Дзякуем!

Глядзім у відэафармаце :-)

Цытаваць | Паведаміць мадэратару
+2 #1 Алина 2021-10-02 12:55
Зрабiце, калiласка з а. Майклам вялiкае iнтэрвью. Было б цiкава пачытаць. Дзякуем!
Цытаваць | Паведаміць мадэратару
Дадаць каментарый

Ахоўны код
Абнавіць