Самы высокі над Беларуссю помнік усталявалі ў Наваградку
- Written by KATOLIK.LIFE
- Published in Царква
- Add new comment
Гэта фігура святога Міхала Арханёла – абаронцы ад злога духа, заступніка пацярпелых ад несправядлівасці.
Скульптуру святога Міхала Арханёла усталявалі пры касцёле ў Наваградку на 7-метровай калоне. Гэты святы з'яўляецца сімвалам горада – ягоная выява змешчана на гербе. Наваградак знаходзіцца на вышыні 292 метры над узроўнем мора і лічыцца самым высокім горадам Беларусі. Гэта значыць, што фігура святога Міхала Арханёла стала той скульптурай, якая размешчана вышэй за ўсе астатнія помнікі ў краіне.
«Нарэшце адбылася своеасаблівая інтранізацыя [уваходжанне на прастол, узвядзенне на трон] святога Арханёла Міхала над Беларуссю ў самым высока заселеным пункце ў краіне. Цяпер фігура нагадвае, хто заступаецца за наш край!», – паведаміў 28 траўня аб усталяванні скульптуры пробашч рыма-каталіцкай парафіі святога Міхала Арханёла ў Навагрудку ксёндз Юрый Жэгарын.
У хрысціянстве святы Міхал Арханёл – гэта Князь войска нябеснага, абаронца ад злога духа, праціўнік сатаны, заступнік пацярпелых ад несправядлівасці і беззаконня.
Media
Related items
-
«Гучыць іншапланетна». Малады ксёндз беларусізаваў парафію ў Гродзенскай вобласці
-
Як трэба калядаваць, паказалі ў Гродзенскай вобласці: там правялі абрад «Тры каралі»
-
Навагодні фільм падрыхтавала «Радыё Марыя». Тое, якім ён атрымаўся, «сведчыць пра ўсіх нас»
-
Не ўсім католікам Беларусі дазволілі не трымацца посту 2 студзеня. Хто не вызвалены ад абавязку?
-
«Дакладна ведаю, што яна пойдзе на Неба». Пробашч напісаў пра памерлую парафіянку так, як ніхто не пісаў