Танчылі да ўпаду: як прайшлі каталіцкія фэсты ў Магілёве і Пінску

Жнівень 16, 2023
Written by KATOLIK.LIFE
Published in Царква
Add new comment

Пасля Імшы парафіянаў і гасцей чакалі танцы, а Мітрапаліт Юзаф Станеўскі далучыўся да спеваў [відэа]

Ва ўрачыстасць Унебаўзяцця Найсвяцейшай Панны Марыі, якую ў Каталіцкай царкве адзначылі 15 жніўня, адпустовыя ўрачыстасці адбыліся ў аднайменных парафіях. Фота і відэа пра тое, як праходзілі парафіяльныя фэсты ў Магілёве і Пінску, апублікавалі Instagram-старонкі катэдраў Унебаўзяцця Найсвяцейшай Панны Марыі ў гэтых гарадах.

У Магілёве ўрачыстасць узначаліў Мітрапаліт Мінска-Магілёўскі арцыбіскуп Юзаф Станеўскі. Па традыцыі, на завяршэнне святой Імшы ён здзейсніў абрад благаслаўлення кветак, зёлак і пладоў новага ўраджаю.

А пасля парафіянаў і гасцей фэстаў чакаў не толькі пачастунак – адметнасцю святаў сталі танцы, якія зладзілі пры катэдральных святынях. А да спеваў у Магілёве далучыўся і арцыбіскуп Станеўскі. Відэа мы знайшлі ў сторыс старонак парафій у Instagram.