«Не адхілены ад служэння, дзяцей не мае». Вернікі абвяргаюць чуткі пра пробашча ў Стоўбцах
- Written by KATOLIK.LIFE
- Published in Царква
- Add new comment
Што тычыцца абвінавачванняў у адрас святара ў стварэнні фірмы дзеля дапамогі бізнэсоўцу ў абыходзе накладзеных на дзяржаву санкцый, то гэта таксама няпраўда, сцвярджаюць вернікі.
Вернікі, якія блізка знаёмыя з пробашчам парафіі Святога Казіміра ў Стоўбцах ксяндзом Ігарам Лашуком, абвяргаюць распаўсюджаную ў медыя інфармацыю адносна святара.
«Мы глыбока шакаваныя тым, якія разыходзяцца чуткі. Сам ксендз Ігар цяпер не можа даваць каментары прэсе, але мы гатовы пацвердзіць, што пробашч увесь час жыве адзін у вёсцы Новы Свержань. Ён не спіць ужо каторую ноч з-за гэтых чутак, сцвярджае, што ўвогуле не знаёмы з жанчынай, дадзеныя якой прыводзяцца ў публікацыях, і дакладна не мае ніякіх дзяцей. Гэта няпраўда, што на яго запісаныя нейкія дзеці – магчыма, гаворка ідзе пра аднафамільца, поўнага цёзку святара», – звярнуліся ў Katolik.life вернікі.
Акрамя таго, яны абураныя інфармацыяй пра тое, што пробашча быццам бы адхілілі ад служэння на час даследвання абнародаванай інфармацыі ў святле Кодэкса Кананічнага Права:
«Ён служыць святую Імшу і ў нядзелю будзе служыць. Ніхто яго не адхіляў і не можа адхіліць, бо яго не абвінавачваюць у злачынствах. У касцёльным праве злачынствам лічыцца тое ж, што і ў крымінальным. А мець дзяцей – хоць іх у ксяндза Ігара і няма – гэта не злачынства».
Што тычыцца абвінавачванняў у адрас святара ў стварэнні фірмы дзеля дапамогі бізнэсоўцу ў абыходзе накладзеных на дзяржаву санкцый, то гэта таксама няпраўда, сцвярджаюць вернікі:
«Бізнэсовец ахвяраваў грошы на будоўлю касцёла, вось і ўсё. А ствараць прыватныя прадпрыемствы дзеля рэлігійных мэтаў, такіх як будоўля храмаў, святарам не забаронена».
Раней сам ксендз Ігар тлумачыў, што праз кампанію «АЛІС МА» рэалізуюцца многія каталіцкія праекты:
«Мы шмат каталіцкіх праектаў рабілі і робім, дзякуючы "крылам Міхала Арханёла" АЛІС МА. І таму злы дух пераследуе, але ж Хто як Бог [пераклад імя Міхал з іўрыту]. Калісьці мы апавядзем пра гэтыя справы».
Наш канал у Telegram – толькі цікавае і важнае. Падпісацца >
Даследванне справы ксяндза Ігара Лашука ў Курыі Мінска-Магілёўскай архідыяцэзіі яшчэ праводзіцца, ніякіх высноваў пакуль няма.
Related items
-
«Ён не прасіў аб адстаўцы». Парафіяне – аб звальненні пробашча Чырвонага касцёла
-
Мітрапаліт змяніў пробашча закрытага Чырвонага касцёла ў Мінску
-
«Гэта ікона здзяйсняе жаданні». БелСМІ маніпулюе рэлігіяй, каб сабраць лайкі
-
«Што немагчыма для людзей...» Дзяржсакратар Ватыкана патлумачыў, для чаго прыбыў ва Украіну
-
Топ-3 відэа з каталіцкіх дзён моладзі ў Браславе: мітрапаліт-аніматар, сёстры-пераможцы