З беларускім каларытам: як упрыгожылі алтар у мінскім касцёле

У рыма-каталіцкай парафіі Святога Францішка Асізскага ў Мінску з’явіўся новы алтарны абрус ручной работы. Пра яго асаблівасці распавялі на старонцы парафіі:

«З’явіўся ён не выпадкова, а менавіта на перыяд Вялікага посту. Аўтар абрусу – Галіна Бекоева. Матэрыял – лён. Тэхніка выканання – шыццё, мярэжка».

У парафіі патлумачылі, што абрус мае пэўны сэнс, які аўтар ўклаў пры яго стварэнні (фота глядзіце ніжэй):

«Колеры выбраныя не выпадкова. Шэры, грубы лён перадае сціпласць Хрыста і Яго блізкасць да простага народу. Бардовы колер – ахвяра і бязвінна пралітая кроў».

Час Вялікага посту – гэта час нашага блукання па пустыні, час пераасэнсавання нашых думак, паводзінаў, пошук выхаду з няволі грахоў, пошук шляху да свабоды і братэрства, прывялі ў парафіі словы майстра Галіны Бекоевай:

«Праз краты нашага нежадання, занятасці, стомленасці, часам ляноты трэба знайсці час для Бога ў нашым жыцці, які ахвяраваў Свайго Сына за нас, Яго Цела і Кроў. Хачу пажадаць у гэты час пастарацца ацаніць, усвядоміць сваю адпаведнасць Божым планам наконт нас і адчуць, што Бог заўседы з намі».

Наш канал в Telegram – только интересное и важное. Подписаться >