Фотафакт: як асвячалі велікодныя стравы ў вёсках на Гродзеншчыне
- Written by KATOLIK.LIFE
- Published in Царква
- Add new comment
Назвы гэтых каталіцкіх вёсак лашчаць слых: Сыманэлі, Фальваркі, Грышкойці, Карвэлі... Мясцовыя бабулі рассцілалі дываны і збіраліся ля прыдарожных крыжоў.
Каталіцкая парафія святога Юрыя ў Варнянах (Астравецкі раён Гродзенскай вобласці) паказала, як адбывалася благаслаўленне велікодных страў у маленькіх каталіцкіх вёсках, дзе няма свайго храма і не ўсе мясцовыя жыхары могуць даехаць да бліжэйшага касцёла.
Назвы многіх вёсак, дзе пабываў святар напярэдадні Вялікадня, лашчаць слых: Філіпаны, Керняны, Дзірмуны, Больнікі, Загазь, Сыманэлі, Фальваркі, Грышкойці, Карвэлі...
Проста на вуліцах ці каля прыдарожных крыжоў бабулі ды маладзейшыя мясцовыя жыхары расстаўлялі плеценыя кошыкі з велікоднымі стравамі ў чаканні ксяндза, некаторыя рассцілалі ў дварах дываны. Святар праводзіў набажэнства, маліўся разам з вяскоўцамі, акрапляў іх і кошыкі асвечанай вадой (фота глядзіце ніжэй).
А праз месяц ля прыдарожных крыжоў у каталіцкіх вёсках пачнуцца Маёвыя набажэнствы – на жаль, гэта традыцыя ўжо не ўсюды захавалася, бо яе носьбіты адыходзяць з гэтага свету, аднак у многіх вёсках яшчэ ёсць магчымасць застаць і зафіксаваць гэта асаблівае набажэнства.
Наш канал в Telegram – только интересное и важное. Подписаться >
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня