Сезон пешых пілігрымак у Беларусі адкрыюць католікі ў Пінску
- Written by KATOLIK.LIFE
- Published in Царква
- Add new comment
Названа дата паломніцтва ў Лагішын, якое звычайна збірае звыш 100 удзельнікаў і доўжыцца адзін дзень.
Правядзенне пешай пілігрымкі з Пінска ў Лагішын сёлета плануецца на 12 траўня, паведамілі ў пінскай катэдральнай парафіі. Гэта паломніцтва штогод адкрывае «сезон пілігрымак», найбольш масавыя з якіх арганізоўваюцца ў Будслаў з розных куткоў Беларусі.
Пілігрымка з Пінска да санктуарыя Маці Божай Каралевы Палесся ў мястэчку Лагішын, дзе захоўваецца старадаўняя цудадзейная выява Дзіцяткі Езуса і Багародзіцы, традыцыйна збірае звыш 100 удзельнікаў, мае маршрут працягласцю 25 кіламетраў і доўжыцца адзін дзень.
Афіцыйна дату сёлетняй пілігрымкі пакуль не абвяшчалі. Звычайна паломніцтва стартуе раніцай ад пінскага катэдральнага касцёла і завяршаецца ўвечары святой Імшой у Лагішынскім санктуарыі. Інфармацыю пра магчымасць начлегу ў Лагішыне просяць удакладняць у арганізатараў.
Абраз Маці Божай Лагішынскай увенчаны папскімі каронамі, яна з’яўляецца галоўнай апякункай Пінскай дыяцэзіі. Дарэчы, закрываецца «сезон пілігрымак» у жніўні фэстам у Лагішыне.
Наш канал в Telegram – только интересное и важное. Подписаться >
Related items
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня