BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Раку Нёман благаславіла каталіцкая працэсія на Стаўпеччыне

Мясцовыя вернікі традыцыйна ладзяць 7-кіламетровую працэсію-пілігрымку – ад старадаўняга касцёла ў вёсцы да новага ў райцэнтры.

Незвычайна правялі працэсію Божага Цела каталіцкія вернікі ў Стаўбцоўскім раёне. Святочнае шэсце пачалося ад старадаўняга касцёла XVI стагоддзя ў вёсцы Новы Свержань і прайшла да новазбудаванага храма ў Стоўбцах.

Падчас 7-кіламетровага шляху працэсія праходзіла па мосце праз раку Нёман, якую пробашч ксёндз Ігар Лашук таксама благаславіў Найсвяцейшым Сакрамэнтам – гэта стала ўжо традыцыяй стаўпецкіх вернікаў.

«На шляху працэсіі было чатыры стацыі і благаслаўленне ракі Нёман. Другая стацыя, як заўсёды, была каля крыжа перад ракой», – распавяла мясцовая парафіянка Ганна Бычынская і апублікавала вялікі фотарэпартаж.

Дарэчы, мясцовыя жыхары перажываюць, што ў многіх месцах берагі Нёмана ў апошнія гады зарастаюць – часам цяжка падысці да вады. Раней расліннасць уздоўж берагоў абгрызалі каровы, якіх цяпер сяляне амаль не трымаюць.

Наш канал в Telegram – только интересное и важное. Подписаться >

Media

Дадаць каментарый

Ахоўны код
Абнавіць