Фота дня: рака людзей у Гудагаі + топ-5 лепшых здымкаў фэсту

Ліпень 21, 2024
Written by KATOLIK.LIFE
Published in Царква
Add new comment

На свята прыехалі байкеры, па Кальварыі прайшоў Крыжовы шлях, апоўначы адбылася працэсія з паходнямі.

Урачыстасці ў гонар Маці Божай Шкаплернай прайшлі ў Гудагаі 20-21 ліпеня. У дыяцэзіяльным фэсце ў каталіцкім санктуарыі ўдзельнічалі іерархі – сёлета тут адзначалі 260 гадоў з пачатку служэння ў парафіі кармэлітаў босых.

З розных куткоў Беларусі ў Гудагай прыбылі пілігрымы – у тым ліку байкеры з Астраўца. Яны атрымалі благаслаўленне і памаліліся перад абразом Маці Божай. Фота з пабліка парафіі глядзіце ніжэй.

Галоўнай падзея першага дня стаў Крыжовы шлях па прасторах гудагайскай Кальварыі: рака вернікаў на чале з біскупам Уладзімірам Гуляем ішла праз кукурузнае поле, праз лес да стацыяў Мукі Пана.

Каля апоўначы адбылася відовішчная працэсія святла з паходнямі і свечкамі, а затым – святая Імша. Раніцай таксама адпраўлялі Эўхарыстыю, а завяршылася свята ў нядзелю ўрачыстай адпустовай Імшой.