Біскуп сыграў на аргане на свяце ў касцёле ў Нарачы

Жнівень 18, 2024
Written by KATOLIK.LIFE
Published in Царква
Add new comment

Адна з верніц прымала сакрамэнт Бежмавання ў нацыянальным строі з вышыванкай.

У каталіцкай парафіі ў Нарачы 18 жніўня ўрачыстую святую Імшу з нагоды ўспаміну святога Роха ўзначаліў Генеральны вікарый Мінска-Магілёўскай архідыяцэзіі біскуп Аляксандр Яшэўскі. Падчас Імшы ён ўдзяліў вернікам парафіі сакрамэнт Бежмавання. Адна з кандыдатак, Марыя, мяркуючы па здымках – маладая мама – прымала сакрамэнт у нацыянальным строі з вышыванкай.

Пасля Імшы біскуп Аляксандр падняўся да хора і асабіста сыграў на аргане, чым выклікаў бурныя апладысменты. Відэа мы знайшлі ў сторыс парафіяльнай старонкі ў Instagram.

Як вядома, іерарх час ад часу грае на аргане ў магілёўскім катэдральным касцёле, дзе ён пастаянна служыць.