Манахіня ў Гродна здымае на відэа, як стварае вышыўку на літургічных прадметах

Снежань 5, 2024
Written by KATOLIK.LIFE
Published in Царква
Add new comment

«Не думала, што свет вышыўкі настолькі захапляльны», – гаворыць сястра. Сапраўды, яе відэа зачароўваюць.

Працягваем распавядаць пра незвычайныя актыўнасці каталіцкіх вернікаў на інтэрнэт-пляцоўках. Сёння паказваем, як манахіня з кляштара сясцёр кармэлiтак Дзiцяткі Езуса ў Адамавічах пад Гродна стварае вышыўку на адзенні для святароў і на іншых літургічных прадметах, дзелячыся фота і відэа ў сваім Instagram.

Сястра Алетэя пісала, што навучылася працаваць з машынкай для вышыўкі два гады таму, і з таго часу стварыла шмат цудоўных выяў, якія выкладае на сваёй старонцы (глядзіце ніжэй).

Гэты занятак яе захапіў:

«Калі спадабалася тварыць, і ты не можаш утрымацца... Было б шмат нітак і матэрыялаў, і не выходзіла бы з каралеўства вышыўкі! Так хочацца вучыцца, крок за крокам. Не думала, што свет вышыўкі настолькі захапляльны».

Выкладаючы свае вырабы (стулы, паллы) сястра таксама распавядае, як яны выкарыстоўваюцца ў Касцёле, і пра святых, чые партрэты вышывае.