Небяспека для арцыбіскупа Кандрусевіча: за яго і за Папу памоляцца ў Мінску

Пра значнае пагаршэнне стану здароўя арцыбіскупа эмэрыта Тадэвуша Кандрусевіча паведаміла 11 сакавіка Курыя Мінска-Магілёўскай архідыяцэзіі РКЦ. 79-гадовы іерарх праходзіць лячэнне, але падрабязнасці не ўдакладняюцца.

«10 сакавіка стала вядома пра значнае пагаршэнне стану здароўя арцыбіскупа Тадэвуша Кандрусевіча, які хварэе анкалагічным захворваннем (меланома)», – коратка праінфармавала Курыя.

З гэтай нагоды ў архікатэдральным касцёле ў Мінску 13 сакавіка а 15-й гадзіне адбудзецца святая Імша, якая будзе ахвяравана ў інтэнцыі аб ласцы аздараўлення для Папы Францішка і беларускага іерарха.

Нагадаем, у лютым 2023 года арцыбіскуп Тадэвуш Кандрусевіч перанёс аперацыю па выдаленні пухліны. У траўні 2024 года яму рабілі аперацыю на сэрцы пасля перанесенага інфаркту.

Папа Рымскі Францішак ужо амаль месяц знаходзіцца ў шпіталі, куды ён трапіў 14 лютага з двухбаковай пнеўманіяй. Яго стан застаецца складаным, але ёсць нязначныя паляпшэнні.

Наш канал в Telegram – только интересное и важное. Подписаться >