Сезон пілігрымак адкрывае Пінск: біскуп запрашае вернікаў з усёй Беларусі

Адкрыта рэгістрацыя на першае ў гэтым годзе пешае паломніцтва, якое пройдзе з Пінска ў Лагішын 10 траўня. Гэта аднадзённая пілігрымка, якая традыцыйна збірае звыш 100 ўдзельнікаў, працягласць маршрута – каля 25 кіламетраў.

Напярэдадні, увечары 9 траўня, у Пінскай катэдры адбудзецца сустрэча моладзі. Запланаваны канцэрт, вогнішча, пачастункі.

Затым традыцыйная штогадовая пілігрымка накіруецца да санктуарыя Маці Божай Каралевы Палесся, галоўнай Апякункі Пінскай дыяцэзіі, у мястэчка Лагішын, дзе захоўваецца старадаўні цудадзейны абраз Панны Марыі з Дзіцяткам Езусам.

Сёлета дапаможны біскуп дыяцэзіі Андрэй Зноска, які сам пойдзе ў паломніцтва, запрасіў далучыцца да сустрэчы моладзі і пілігрымкі вернікаў з усёй Беларусі [глядзіце відэа ніжэй]

А самая доўгая пілігрымка – з Баранавічаў у Будслаў – запланавана сёлета 26 чэрвеня – 4 ліпеня і прымеркавана да фэсту ў Будславе, які пройдзе 4-5 ліпеня.

Наш канал в Telegram – только интересное и важное. Подписаться >