Вяртанне сельскага святара: ён аднавіў пропаведзі ў YouTube

Ліпень 14, 2025
Written by KATOLIK.LIFE
Published in Царква
Add new comment

Пасля доўгага перапынку з'явілася новае відэа.

Пасля 10 месяцаў перапынку аднавіў дзейнасць праект «Пропаведзі сельскага святара», відэа якога набіралі тысячы праглядаў і атрымлівалі мноства пазітыўных водгукаў вернікаў.

Нагадаем, казанні ў рамках праекту чытае пробашч каталіцкай парафіі ў гарадскім пасёлку Шарашова Пружанскага раёну айцец Яцэк Дубіцкі. У сваіх відэа святар выкарыстоўвае нязвыклыя вобразы, жыццёвыя прыклады і прывязку да рэальнасці кожнага чалавека.

Для працяглага перапынку былі пэўныя прычыны, але яны не афішаваліся. Цяпер добрая навіна ў тым, што з'явілася новае відэа: у ім святар тлумачыць урывак з Евангелля, які прагучаў у нядзелю – Прыпавесць пра добрага самараніна.

У ёй Езус адказвае на пытанне законніка пра тое, «што рабіць, каб успадкаваць жыццё вечнае», то бок літаральна – як трапіць у Рай.