А вы бачылі, як вырабляюць ружанцы? Працэс паказаў беларускі майстар

Кастрычнік 7, 2025
Written by KATOLIK.LIFE
Published in Царква
Add new comment

Ён апублікаваў відэа працэсу і прадставіў навінку.

Да свята Маці Божай Ружанцовай паказваем, як вырабляюць тыя самыя ружанцы – пацеры для малітвы Ружанца, якой прысвечаны увесь месяц кастрычнік у Каталіцкай царкве.

Аказваецца, набыць ружанцы можна не толькі ў Польшчы. Арыгінальныя пацеры стварае беларускі майстар рэлігійных вырабаў. Ён апублікаваў відэа працэсу і прадставіў навінку – ружанец разам са стацыямі Крыжовага шляху.

Цікава, што майстар-мужчына таксама вышывае кашулькі для хросту і стварае іншыя вырабы. Як завуць мужчыну і з якой ён мясцовасці, дакладна не вядома: на старонцы не пазначана ніякай інфармацыі. Гэты паблік у Instagram мы заўважылі выпадкова – ён пакуль непапулярны, мае мала падпісчыкаў і рэакцый.