Новы Апостальскі нунцый упершыню наведаў Гомель – і вось з якой нагоды

Кастрычнік 8, 2025
Written by KATOLIK.LIFE
Published in Царква
Add new comment

У той дзень у Доме міласэрнасці зладзілі святочны абед для бедных.

75 год таму, 7 кастрычніка 1950 года, Маці Тэрэза з Калькуты атрымала дазвол ад Папы Рымскага Пія XII на стварэнне ордэна Сясцёр Міласэрнасці – Місіянерак Любові. З гэтай нагоды ў юбілейную гадавіну ў Доме міласэрнасці ў Гомелі – адзіным у Беларусі – адбылася святая Імша з удзелам Апостальскага нунцыя арцыбіскупа Іньяцыё Чэффаліа, паведаміла на сваёй старонцы гомельская парафія.

Свята прайшло пры ўдзеле сакратара нунцыятуры ксяндза Кшыштафа Сэрокі, біскупа Пінскага Антонія Дзям'янкі, біскупа эмерыта Казіміра Велікасельца, ксяндза Андрэя Рылкі, святароў з парафій Гомеля, Жлобіна і Рэчыцы.

У Імшы таксама ўдзельнічалі пастаяльцы Дому міласэрнасці, дзе ў той дзень зладзілі святочны абед для бедных.

Пастырскі візіт Нунцыя завершыўся 8 кастрычніка – іерарх наведаў гомельскі касцёл, Дабрачынную каталіцкую місію «Карытас», пазнаёміўся з ходам будаўніцтва новага храма.