Двое біскупаў удзельнічаюць у важным мерапрыемстве ў абарону жыцця ў Беларусі

У каталіцкай парафіі святога Арханёла Міхала ў Навагрудку 7-9 лістапада праходзіць малітоўны кангрэс у абарону жыцця. Сімвалічна, што ён пачаўся ў гадавіну кастрычніцкага перавароту бальшавікоў – менавіта савецкая дзяржава першая ў свеце легалізавала аборты.

Гэта адбылося 105 гадоў таму, у лістападзе 1920 году – таму даты кангрэсу, які ладзяць ужо ў пяты раз, абраныя невыпадкова.

Арганізатары мерапрыемства адзначаюць, што «беларуская зямля стогне ад крыку дзяцей, забітых пад сэрцам сваіх маці». Таму такой важнай з'яўляецца малітва перапрашэння за грахі абортаў і іншыя грахі супраць жыцця і сям’і, «каб Божы гнеў не знішчыў нашую прыгожую зямлю».

Цэнтральная падзея кангрэса – пілігрымка пакаяння з Навагрудка ва Уселюб з 52 белымі крыжамі: паводле некаторых дадзеных, менавіта столькі, у сярэднім, штодзень забіваюць дзяцей у Беларусі праз аборты.

Кангрэс праходзіць з удзелам біскупа Гродзенскага Уладзіміра Гуляя і біскупа Віцебскага Алега Буткевіча.

Наш канал в Telegram – только интересное и важное. Подписаться >