Сімвалічна: Святло міра ў цемры на фоне калючага дроту перадалі ў Беларусь з Польшчы

Снежань 18, 2025
Written by KATOLIK.LIFE
Published in Царква
Add new comment

Гэта адбылося на нейтральнай тэрыторыі паміж краінамі.

Увечары 17 снежня на нейтральнай тэрыторыі паміж Польшчай і Беларуссю адбылася перадача Бэтлеемскага агню беларускім каталіцкім скаўтам.

Гэта адбылося паміж пунктамі пропуску Кузніца Беластоцкая і Брузгі, паведамілі скаўты, якія атрымалі сімвал Раства Хрыстова ад польскіх скаўтаў.

Яго ўрачыста ўнясуць у катэдральны касцёл Гродна 18 снежня. Затым пачнецца «эстафета» па перадачы агню з Бэтлеема ў каталіцкія парафіі па ўсёй Беларусі, як мы распавядалі раней і публікавалі мапу з часам дастаўкі Святла міра.

Агонь з Бэтлеема атрымаюць больш за 150 парафій, паведамілі каталіцкія скаўты і выказалі падзяку памежным службам Беларусі і Польшчы за магчымасць перадачы агню на нейтральнай тэрыторыі. Фота цырымоніі атрымаліся сімвалічнымі: Святло міра перадалі ў цемры на фоне калючага дроту.