Пінск запрашае на ўрачыстасці ў гонар 100-годдзя кардынала Казіміра Свёнтэка

25 кастрычніка ў Катэдральнай базыліцы ў Пінску адбудуцца ўрачыстасці, завяршаючыя Год Кардынала Казіміра Свёнтэка. У гэты дзень сталіца Пінскай дыяцэзіі прывітае таксама дэлегатаў супольнасцей “Жывога Ружанца” з усяго рэгіёна з нагоды Кангрэсу Святога Ружанца, які ў гэтым месяцы праходзіць ва ўсіх дыяцэзіях краіны. У гэты ж дзень - 25 кастрычніка - у горад над Пінай прыбудуць шматлікія паломнікі з усіх парафій Беларусі ў межах VIII Міждыяцэзіяльнай пілігрымкі сем’яў.

Праграма святкавання:

Пінск, 25 кастрычніка 2014

10.45 – Прывітанне пілігрымаў і дэлегацый (Катэдральная базыліка)

11.00 – Ружанцовае набажэнства пад кіраўніцтвам супольнасцей “Жывога Ружанца” Пінскай дыяцэзіі

11.45 – святая Імша

13.30 – малітва ў крыпце каля гробу Кардынала

13.40 – адкрыццё фотавыставы, прысвечанай жыццю і дзейнасці Кардынала Казіміра Свёнтэка

14.00 – спатканне ў комплексе былога кляштара францішканаў

15.00 – канферэнцыя для ўдзельнікаў Міждыяцэзіяльнай пілігрымкі сем’яў