За «Тыдзень без абортаў» у Гомелі раздалі каля 15 тысяч буклетаў - ФОТА

Кастрычнік 18, 2014
Written by katolik-gomel.by
Published in Навіны - Гомель
Add new comment

У суботу ў цэнтры горада прайшла фінальная вулічная акцыя, да якой далучыліся студэнткі інжынернага інстытута МНС.

18 кастрычніка акцыя «Тыдзень без абортаў» пад лозунгам «Захавай жыцьцё!» завяршылася ў Гомелі. На працягу пяці рабочых дзён каля гіпермаркетаў і буйных крам вернікі розных хрысціянскіх канфесій раздавалі матэрыялы з інфармацыяй аб абортах і з заклікам захоўваць жыццё ненароджаных дзяцей. Нагадаем, у акцыях ўдзельнічала «Місіс Беларусь - 2104», гамяльчанка Юлія Перагудава разам са сваім мужам.

А ў суботу на плошчы Паўстання і ў раёне цырка прайшла фінальная вулічная акцыя, да якой далучыліся студэнткі Гомельскага інжынернага інстытута МНС - дзяўчаты таксама раздавалі мінакам буклеты. У цэлым за ўсе дні акцыі гомельцам раздалі каля 15 тысяч інфармацыйных матэрыялаў.

Нагадаем, падчас «Тыдня без абортаў» валанцёры таксама наведвалі жаночыя кансультацыі, размаўляючы з жанчынамі, якія хочуць перапыніць цяжарнасць, а ў медуніверсітэце прайшла навукова-духоўная канферэнцыя на тэму абортаў.

Last modified onСубота, 18 Кастрычнік 2014 17:56

Tagged under