BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Пілігрымку да Турынскай плашчаніцы арганізуюць у Гомелі

Выезд у Італію плануецца на 30 красавіка, мяркуецца, што 10-дзённая паездка на аўтобусе абыдзецца ў 250 еўра.

Гомельская рыма-каталіцкая парафія Нараджэння Божай Маці плануе правесці паломніцтва ў Турын, дзе ў саборы Святога Яна Хрысціцеля захоўваецца хрысціянская рэліквія - Турынская плашчаніца. Гэта палатно, у якое, паводле падання, было загорнута цела Езуса Хрыста пасля Яго хросных пакут і смерці. На тканіне засталіся адбіткі аблічча і цела Хрыста, з-за чаго Турынская плашчаніца цэніцца як адна з найважнейшых рэліквій хрысціянства.

Гомельскія пілігрымы плануюць выехаць у Італію 30 красавіка. Мяркуецца, што 10-дзённая паездка на аўтобусе абыдзецца ў 250 еўра. Ідзе запіс на паломніцтва, колькасць месцаў абмежавана, дакументы і першы ўнёсак неабходна падаць у бліжэйшы час.

Нагадаем, частка вернікаў перакананая, што на плашчаніцы - сапраўдныя адбіткі аблічча і цела Хрыста, іншыя лічаць яе падробкай часоў Сярэднявечча. Паколькі прамых доказаў сапраўднасці плашчаніцы няма, Каталіцкая царква афіцыйна не прызнае яе сапраўднай, аднак лічыць важным напамінам пра Пакутах Хрыстовых.

Дадаць каментарый

Ахоўны код
Абнавіць