Гомельскія каталікі пачалі 9-месячную малітву за ненароджаных дзяцей
- Written by gomel.catholic.by
- Published in Навіны - Гомель
- Add new comment
Вернікі паспрабуюць выратаваць ад абортаў 120 зачатых дзяцей, штодня чытаючы малітву і здзяйсняючы добрую справу.
Ва ўрачыстасць Звеставання, калі Найсвяцейшая Панна Марыя даведалася аб тым, што народзіць Збаўцу, парафіяне гомельскага касцёла традыцыйна пачалі малітву за ненароджаных дзяцей, якім пагражае аборт. Жадаючыя духоўнага ўсынаўлення дзіцяці ўнеслі свае дадзеныя ў спецыяльныя карткі і звярнуліся да Дзевы Марыі, усіх анёлаў і святых: «Ідучы за жаданнем несці дапамогу ў справе абароны ненароджаных, моцна пастанаўляю і абяцаю, што духоўна ўсынаўляю адно дзіця, імя якога ведае толькі Бог, каб на працягу дзевяці месяцаў кожны дзень маліцца аб уратаванні яго жыцця, а таксама аб справядлівым і добрым жыцці пасля нараджэння».
Каб змагацца за жыццё зачатага дзіцяці, вернікі абавязаліся штодня чытаць спецыяльную малітву, прысвячаць змаганню якую-небудзь добрую справу і маліцца на Ружанцы. Завершыцца малітва праз 9 месяцаў на свята Божага Нараджэння. Удзел у духоўным усынаўленні асабліва важны для сужэнцаў, якія не вырашаюцца на чарговага дзіцяці. Праз гэтую малітву Дух святы дапамагае бацькам даверыцца Госпаду ў справе новага жыцця.
На святочнай Імшы храм быў поўны, і першую малітву аб ненароджаных дзецях чыталі ўсе парафіяне. А ля алтара каля 120 вернікаў склалі карткі са сваім імем, дэкларуючы аб духоўным усынаўленні.
Па некаторых звестках, аборты ў Еўропе здзяйсняюцца кожныя 27 секунд. Кожная пятая цяжарнасць у краінах Захаду заканчваецца абортам. Не лепшая сітуацыя і ў Беларусі. А ў суседняй Расіі колькасць абортаў у год дасягае 2-3 мільёнаў. Згодна з вучэннем Царквы, аборт нават на раннім тэрміне цяжарнасці з'яўляецца забойствам, бо душа чалавека нараджаецца ўжо ў момант зачацця.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная