Гомельскія каталікі працягваюць вулічную евангелізацыю [відэа]

Красавік 29, 2013
Written by gomel.catholic.by
Published in Навіны - Гомель
Comments (1)

У бліжэйшую нядзелю будзе апошняя магчымасць пачуць Добрую вестку ў цэнтры горада.

У цэнтральнай частцы Гомеля, на пляцоўцы ля храма на вуліцы Савецкай каталікі працягваюць па нядзелях ладзіць вулічную евангелізацыю.

Нагадаем, у Велікодны перыяд нэакатэхуменальныя суполкі гомельскай рыма-каталіцкай парафіі звястуюць пропаведдзю, песнямі і танцамі [фота, відэа].

Кожная евангелізацыя доўжыцца каля гадзіны. Пад гітары і барабаны каталікі спяваюць пра ўваскрасенне Хрыста і кажуць пропаведзь, зыходзячы са свайго досведу, сведчаць пра асабістую сустрэчу з Хрыстом у сваім жыцці. Мінакам кажуць пра любоў Ісуса, раздаюць буклеты і абразкі, некаторыя спыняюцца і распытваюць пра Бога.

У бліжэйшую нядзелю - 5 траўня каля 14.00 - пройдзе апошняя такая эвангэлізацыйная сустрэча і апошняя магчымасць прыйсці і пачуць Добрую навіну ў цэнтры горада.